祖比部落

原定的復活節假期，被臨近sem尾的功課加工作纏身，令Jour學友活動告吹。為貫徹每個節日都要一齊過的Jour學友傳統，不惜硬湊著也要相聚一下，即使人數不多。

基於發發停課的關係，或許是想到大家要相隔很久(雖然實際上也不是很久，只是兩個星期，但以前見得太多，見少次都覺不慣)。所以無論如何都想見一見大家，所以先是約了Baby食飯，再約阿文及Su看英超，最後上Phil家，來個復活小小小派對。

猶記得上一輪這樣的英超戲碼也是與Su及Vinvin一齊，只是今次人數不足，阿文又要遲來的關係，被迫取消，改到Phil家玩，幸好這次不打牌，改玩大富翁，夠「益智」。

我上次玩大富翁是幾時的事？完全沒有印象，連玩法都幾乎忘了。

凌晨十二點多才開始戰局，除了「真大富翁」Phil早早破產之外，Su的不死鳥上身，每每瀕臨破產邊緣都可以絕處逢生，令一局足足玩到四點鐘，最後大富翁由大地主阿文奪得。

我呢，就不過不失，曾經成為富婆，又次次避開「地雷陣」，最後埋單計數都叫有錢有地有樓，當贏。

四點深宵時分，有Jour學友校車加靚仔司機，絕對放心歸家。你，有興趣搭嗎？